~*¤ô§ô¤*~منتديات ركن السودان~*¤ô§ô¤*~

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

~*¤ô§ô¤*~بلد الخير والطيبة~*¤ô§ô¤*~


    السلام مطبوق ... ابراهيم ابنعوف

    خندقاوي
    خندقاوي
    خندقاوي
    سوداني جديد
    سوداني جديد


    ذكر
    عدد الرسائل : 79
    العمر : 49
    محل الإقامة : بس لي فيهو ذكرى وماخد عنه فكرة
    المهنة : محاسب
    المزاج : حار جاف صيفاً .. رايق شتاءاً
    نقاط : 6236
    السٌّمعَة : 0
    تاريخ التسجيل : 19/04/2007
    • مساهمة رقم 1

    السلام مطبوق ... ابراهيم ابنعوف Empty السلام مطبوق ... ابراهيم ابنعوف

    مُساهمة من طرف خندقاوي الإثنين 19 مايو - 16:09

    في سرع يا نسايم اشواقي ودي لي السلام مطبوق

    لي اهلنا وجميع حبانا في الحلة التحت والفوق

    ديل اهلي الحنان يا نسمة اهديهم سلامي وشوق

    طول داير اشوفن مرة الا قديمي ما مطلوق

    هبي علي الشمال تلقيهو المال فوق جريدو يتوق

    يتراقص مع نغمات قماريهو التسوي القوق

    بي طيبة الحنان يلقاك يهش ليكي ويطول لي فوق

    باري جديولة اطلعي فوق شوفي دحين شنو المسيوق

    وبعدين بي بشيشك لفي قدامك شتيل مكروق

    داك بدر يحش في قشو عجلان باقي شايل السوق

    وداك مالي الرحل مندلي شايل للخدار ماروق

    داك قراع مقرن مويتو فتران دار شوي يروق

    عشان يفتل حبيل يربطبو قادوسا نعس مطلوق

    ان سالوك عن احوالي البي مايصيد مخلوق

    تاهت بي مراكب الغربة لا ريس ولا واسوق

    انسلب اللحم من جسمي اصبح تب عضام وعروق

    اما قليبي لو شفتيهو بي سيف الغرام مشقوق

    لا لاقي البحن في حالي لا زولا علي شفوق

    الدرب المسافر بيهو من طولو بتهابو النوق

    خمسة سنين قعد في ظلامو ما بان لي صباح وشروق

    اساهر الليل مع الباكنو ينجاري الدمع سبلوق

    ابكي علي الزمان الفات ما ظن البفوت ملحوق

    انبقي عاد دة حالي البي ما اظن للسعادة اضوق
    • الرجوع الى أعلى الصفحة

      مواضيع مماثلة

      -

      الوقت/التاريخ الآن هو الأربعاء 15 مايو - 13:35